Биһиги библиотекаларбыт фондалара хаҥыырыгар сүрүн көмөнөн Амматтан төрүттээх дьоннорбут бэйэлэрин суруйуулара, үтүө үгэскэ кубулуйбут ааҕааччыларбыт бэлэх кинигэлэрэ буолаллар.
2020 сыллаахха Кыайыы 75 сылын үрдүк таһаарылаахтык кэрсүбүппүт. Онно аналлаах элбэх кинигэ бэлэхтэммитэ. Улуус уонна нэһилиэк дьаһалталара, «Россия ийэлэрэ» общественнай хамсааһын Амматааҕы филиала бэйэлэрэ таһаарбыт «Кыайыы ийэлэрэ» уонна «Войной опаленное детство» кинигэлэри бары улуус бибилэтиэкэлэригэр тиийэр ахсаанынан бэлэх ууммуттара.
Госдуума III-IV ыҥырыылаах Сэбиэтин дьокутаата Виталий Николаевич Басыгысов тус бэйэтин бибилэтиэкэтиттэн эгэлгэ араас хайысхалаах кинигэлэри бэлэх уунна. Нэһилиэк олохтоох дьаьалталара, ааҕааччылара бэйэлэрин нэьилиэктэрин бибилэтиэкэлэригэр сыллата эмиэ бэлэх онороллор.
Маны тэҥэ биирдиилээн ааҕааччылар 2020 сылга таһааттарбыт кинигэлэрин бэлэхтээтилэр : «Снайпер Афанасий Ксенофонтов» /(хомуйан оҥордулар А.А. уонна Е.С. Шишигиннар), Жиркова В.С.-Тускууна «Сырдык сыдьаайынан, барҕа махталынан», «Эргиччи… ахтылҕан» /(хомуйан оҥордо Л.Н. Бурнашева), Наумов Д.Ф. «Сталин мэтээлэ» СД — диискэ, Архипова Зинаида «Түлүк уум түүллэрэ», «Алтаннар Аҕа дойду Улуу сэриитигэр», И. Н. Адамов –Айдын Мургун «Атаара хаалбыта алааһым», «Амма биллиилээх дьоно» сериянан тахсыбыт «Мария Алексеевна Широких. (1918-2013). Дорога длиною в жизнь» /(сост.: Васильева Л.П., Доброскокина Е.В.). «Дмитрий Николаевич Трифонов» /(хомуйан оҥордо кыыһа А.Д. Трифонова), «Тимир көлө көтөллөнөн» /(хом. оҥордо Уварова М.Г.), «Ырыа дууһа иэйиитэ, ырыа олох аргыһа»: Иэйэхсит фольклорнай ансаамбыл 10сыла / (хомуйан оҥордулар М.А. Барашкова А.А.Федорова) «Ийэ куппут Суола баһа» (Никитина М. М.), «Тэттик-Мэттик» Петрова Л.В.
А.Н. Парфенова хомуйан оҥорбут уонна үбүлээн таһааттарбыт «Амма агроном дьахталлара», «ССРС спордун маастара Василий Константинов» туьунан бииргэ төрөөбүт эдьиийэ Аманатова Е.В. уонна Лыткин В.В., Постникова С.К., хомуйан оцорбут кинигэлэрэ, «Кэмсиммэппин…» С.С. Адамова-Алтан Кыыс хомуйан оҥорбут кинигэтэ фондаҕа киирбиттэрэ.
«Улуу Кыайыы 75 сылыгар аналлаах улуустааҕы ХХ «Сээркээн Сэьэнньиттэр» краеведческай Ааҕыы» диэн дакылааттар түмүктэринэн биир идэлээхтэрбит, киин бибилэтиэкэ методическай салаатын үлэһиттэрэ оҥорон таһаарбыт СД-диискэлэрэ, ону таһынан «Дети и библиотека в меняющейся медиасреде» Василий Ильич Жожиков аатынан оҕо модельнай бибилэтиэкэтэ 60 сылыгар уонна бастакы сэбиэдиссэй В.И. Жожиков төрөөбүтэ 95 сылыгар анаан ыытыллыбыт бастакы научнай-практическай кэмпириэнсийэ түмүгүнэн төрөппүт кыргыттара Л.В. Николаева к.п.н., Л.В. Жожикова, бибилиэтиэкэр Евграфова П.С., научнай редакторынан уола Жожиков А.В. д.п.н. хомуйан таһаарбыт сборниктара бэлэхтэннилэр.
Бары кинигэ бэлэхтээбит биир дойдулаахтарбытыгар барҕа махталбытын тиэрдэбит!
Киин бибилэтиэкэ кинигэнэн хаччыйар салаата.
