Ол курдук бу ааспыт 2022 сылга тиһигин быспакка, өрүү библиотекаҕа көхтөөхтүк сылдьыбыт ааҕааччыларбыт Окороков Дмитрий Гаврильевич, Устинова Яна Анатольевна, Игнатьева Владилена Нюргустановна, Дьячковская Татьяна Степановна, Иванова Наталья Иннокентьевна, Гаврильева Евдокия Иннокентьевна, Данилова Анна Николаевна, Васильева Асия Васильевна бүгүн биһиги ыалдьыттарбыт буоллулар.
Ааҕааччыны кытары үлэлиир салаа сэбиэдиссэйэ Сидорова Е. В. кылгастык ааспыт сыл ситиһиилэрин билиһиннэрдэ уонна бэриниилээх ааҕааччыларга махталын эттэ. Бу салаа эдэр үлэһиттэрэ Винокурова Л. Е. , Евграфова М. А. викторина бэлэмнээн ыыттылар. Уопуттаах үлэһит, кыраайы үөрэтэр салаа библиотекара Стручкова В.И. ааҕааччыларга махалын тириэртэ. Ол кэннэ итии чэй иһэ иһэ иһирэх кэпсэтии буолла, ааҕааччылар инникитин библиотека үлэтигэр туох саҥаны киллэриэххэ сөбүн, баҕа санааларын үллэһиннилэр.
Кэлбит ыалдьыттары эҕэрдэ ырыатынан Амма улууһун культураҕа уонна норуот айымньытыгар салалтатын фольклорга специалиһа Кочаткин Ваилий бэлэхтээтэ.
