![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58-5.jpeg?resize=1200%2C850&ssl=1)
Бүгүн олунньу 19 күнүгэр Амматааҕы киин библиотекаҕа Үлэ Геройа Петр Ионович Яковлев 100 сылыгар анаан, кини олоҕун, килбиэннээх үлэтин сырдатар сыаллаах улуустааҕы “Яковлевскай дьыктаан” буолан ааста.
Дьыктааны бэлэмнээтилэр: Амма киин библиотеката уонна Амма улууһун тыа хаһаайыстыбатын салалтата. Тэрээһини иилээн-саҕалаан ыытта кылаабынай библиотекарь Евграфова Мария Аркадьевна. Ырыанан кэлэн киэргэттэ “Иэйиэхсит” ансаамбыл ырыаһыта, Республикатааҕы «Эн сулускун» проект кыттыылааҕа Александра Андреева, баяҥҥа доҕуһуоллаата Саха Республикатын культуратын үтүөлээх үлэһитэ, Россия 10 бастыҥ гармонистарыттан биирдэстэрэ Василий Неустроев.
Амматааҕы киин библиотека кыраайы үөрэтэр салаатын кылаабынай библиотекара Стручкова Вероника Ивановнаҕа «Албан ааккын айхаллыыбыт» диэн кинигэ быыстапкатын билиһиннэрдэ.
Дьыктааҥҥа 11 киһи кыттыыны ылла. Кыайыылааҕынан буолла Судинова Ольга Николаевна Амма улууһун культураҕа уонна норуот айымньытын салалтатын уус уран салайааччыта.
Бүгүҥҥү тэрээһин кыттыылаахтарыгар барҕа махталбытын тиэрдэбит. Баҕарабыт чэгиэн доруобуйаны, үлэҕитигэр ситиһиилэри.
![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58.jpeg?resize=1024%2C766&ssl=1)
![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58-1.jpeg?resize=1024%2C766&ssl=1)
![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58-2.jpeg?resize=1024%2C766&ssl=1)
![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58-4.jpeg?resize=1024%2C766&ssl=1)
![](https://i0.wp.com/amgabiblioteka.ru/wp-content/uploads/2021/02/WhatsApp-Image-2021-02-19-at-16.07.58-7.jpeg?resize=1024%2C766&ssl=1)
![](https://i0.wp.com/amgabiblioteka.ru/wp-content/uploads/2021/02/diplom.jpg?resize=640%2C886&ssl=1)