Кулун тутар 10 күнүгэр Аммабытыгар дьоро күн буолла. Биир дойдулаахпыт, духуобунас Академиятын академига, суруналыыс, чинчийээччи,учуонай, суруйааччы Олег Гаврильевич Сидоров — Олег Амгин «Они основали Республику» кинигэ, “Баай историялаах Амма сирэ»саҥарар кинигэ сүрэхтэниитэ уонна 60 сааһын туолбутун бэлиэтиир күнэ Амматааҕы Оҕо искусствотын оскуолатыгар үөрүүлээх быһыыга майгыга ааста.
Күндү ыалдьыттарынан саха народнай суруйааччыта Николай Лугинов, саха народнай поэта Иван Мигалкин,биллиилээх общественнай деятель Афанасий Мигалкин, Олег Гаврильевич олоҕун аргыһа культурология наукатын кандидата Лена Сидорова буоллулар.Саҥа кинигэлэр тула кэпсэтии, санаа атастаһыыта,хас кэлбит дьон автор автографтаах кинигэ кэһиилээх тарҕастылар.Н.И.Илларионова Амма улууһун баһылыгын солбуйааччы,В.П. Дьяконов Амма нэһилиэгин баһылыгын солбуйааччы,тэрилтэлэр салайааччылара,чугас дьоно истиҥ эҕэрдэлэрин тириэртилэр.»Историческая миссия Олега Сидорова» суруйааччы олоҕун,айар үлэтин туһунан кинигэ быыстапката тэрилиннэ. Кинигэ сүрэхтэниитин ыытта Вероника Стручкова
