Кулун тутар 24 күнүгэр, 15 чаастан Амматааҕы Күннүк Уурастыырап аатынан киин библиотекаҕа Саха сирин бастакы комсомолецтарыттан биирдэстэрэ, Гражданскай сэрии актыыбынай кыттыылааҕа, Амманы үрүҥнэртэн босхолоспут, ЧОН этэрээтин разведчига, ССРС суруйааччыларын союһун чилиэнэ, Саха АССР үтүөлээх учуутала, Саха АССР искусствотын үтүөлээх деятэлэ, драматург Ефремов Степан Павлович олоҕун, үлэтин кэрэһэлиир альбом сүрэхтэниитигэр Амма олохтоохторун ыҥырабыт.

Кыттыыны ылаллар драматург улахан уола, СР үтүөлээх тутааччыта, Хаҥалас улууһун бочуоттаах олохтооҕо, «Первостроитель Якутии» бэлиэ хаһаайына Ефремов Виктор Степанович ; альбому хомуйан оҥорбут, СР культуратын, СР анал үөрэхтээһинин туйгуннара, Хаҥалас улууһун Бочуоттаах олохтооҕо Дьяконов Афанасий Николаевич ; СР доруобуйатын харыстабылын туйгуна, «Пенсионердар партияларын» Саха сиринээҕи салаатын салайааччыта, Чурапчы улууһун Кытаанах нэһилиэгин24 Бочуоттаах олохтооҕо Дьячковскай Николай Николаевич.