Кулун тутар 25 күнүгэр, Н. Захаров — Сахаачча аатынан Амма о5о спортивнай оскуолатыгар Амма улууһун аатын спорт эйгэтигэр үгүстүк ааттаппыт, элбэх о5ону уһуйбут,элбэх чемпионнары, призердары иитэн таһаарбыт, талааннаах тренер, тэрийээччи, салайааччы “За услуги в развитии Олимпийского движения в России” бэлиэ хаһаайына, Саха республикатын үөрэ5ириитин туйгуна, Саха республикатын физическэй культура5а уонна спортка туйгуна, РФ уопсай үөрэхтээһин Бочуоттаах үлэһитэ, Амма улууһун, Амма нэһилиэгин бочуоттаах олохтоо5о Анатолий Афанасьевич Артемьев
“Хайыһарга анаммыт олох” кинигэтин сүрэхтэниитэ буолан ааста. Кинигэни кэргэнэ РФ үөрэ5ириитин туйгуна,СР үтүөлээх учуутала, Амма улууһун, бочуоттаах олохтоо5о Александра Ивановна хомуйан, о5олоро үбүлээн таһаартардылар.
Кинигэ сүрэхтэниитигэр Амма улууһун Муниципальнай тэриллии (оройуон) баһылыгын аатыттан Наумов Дмитрий Дмитриевич Амматаа5ы спорт управлениятын салайааччыта, Амма улууһун аатын спорт эйгэтигэр бүтүн Россияҕа, Сахабыт сиригэр киэҥник ааттаппыт Артемьев Анатолий Афанасьевич туһунан «Хайыһарга анаммыт олох» Амма чулуу дьонун кэккэлэригэр киирэр кинигэни бэчээттээн таһаарбытын иһин, кэнчээри ыччакка хаалар үтүө холобурун сыаналаан Амма улууһун Муниципальнай тэриллии (оройуон) Махтал суругунан олоҕун аргыһыгар Александра Ивановна Артемьева5а туттарда,
Амма нэһилиэгин баһылыгын солбуйааччыта Дьяконов Василий Петрович, Н. Захаров — Сахаачча Амма о5о спортивнай оскуолатын директора Неустроев Дмитрий Петрович, ыкса до5отторо Алексей Ильич Никифоров, Алексей Ильич Гаврильев, бииргэ үөрэммит о5олорун ааттарыттан СР үтүөлээх учуутала, Л.В. Киренскай аатынан лицей директора Дария Иннокентьевна Захарова, Алдан куорат Олимпийскай резерва оскуолатын директоры солбуйааччыта Михаил Сергеевич Чугунов, чугас до5оро Прокопий Васильевич Антонов,иитиллээччилэрэ, хайыһар спордун сэңээрээччилэрэ тыл эттиллэр, Анатолий Афанасьевич туһунан бэрт истиңник, иһэрхтик, ахтан, санаан аастылар. Анатолий Афанасьевич тренер быһыытынан хас биирдии о5о5о оло5ун анаан туран, иитэн — такайан таһаарбыт тренер, оло5ун хайыһарга анаабыт киһинэн буолар. Кэлбит дьон А.А. Артемьев “Хайыһарга анаммыт олох” кинигэтин бэлэх тутан үөрэн -көтөн тар5астылар.
Тэрээһини ыытта Лариса Егоровна Винокурова
В.М. Новиков — Күннүк Уурастыырап аатынан киин библиотека аа5ар саала сүрүн библиотекара.
