Муус устар 16 күнүгэр В. М. Новиков — Күннүк Уурастыырап аатынан киин библиотекаҕа Россияҕа наука уонна технология сылыгар аналлаах «Наука күннэрэ» проект чэрчитинэн Амма сириттэн-уотуттан төрүттээх искусствоведение наукатын кандидата, Саха Республикатын культуратын министиэристибэтин духуобунай сайдыы уонна профессиональнай искусство отделын салайааччыта, Саха Республикатын культуратын туйгуна,» «Амма түмсүү» Амма улууһун землячестватын салайааччыта Ньургуйаана Ивановна Илларионованы кытта кэпсэтиини ZOOM площадка нөҥүө ыытта.
Бу сэһэргэһиигэ Ньургуйаана Ивановна бэйэтин Олоҕун оҕо сааһыттан саҕалаан, научнай үлэтин хайдах саҕалаабытын, ситиһиилэрин, инники былааннарын, эдэр ыччакка сүбэтин — аатын үллэһиннэ. Куйаар нөҥүө кэпсэтиини салайан ыытта В. М. Новиков — Күннүк Уурастыырап аатынан киин библиотека Ааҕааччыны кытта үлэлиир салаа сэбиэдиссэйэ Туйара Иннокентьевна Новикова. Уопсайа ZOOMҥа 65 киһи кыттыыны ылла, боппуруос биэрдилэр, истин-иһирэх, сэргэх кэпсэтии буолан ааста.
